preskoči na sadržaj

Osnovna škola "Grohote" Grohote

PRIČE - Dječji pričigin 2012.

Ne da mi se _ Dječji pričigin 2012

Autor: Dragana Đurić, 27. 3. 2012.

Ima dana kad nan se stvarno ništa ne da. Kako se to pari u Klare Elezović, učenice 7. razreda OŠ Grohote čut ćemo u štoriji  Ne da mi se

Mentor: Mirjana Stanić

 

 

NE DA MI SE

Judi moji nike dane  ništa mi se ne da.

Ne da mi se učit ili čistit kuću ili slagat drva za zimu ili... ma ne znan ni sama.

Jema u mome malome životu lipih dana i trenutaka i tako to... Najlipje mi je u mojoj maloj sobici di nikome ne gren na živce, niti mene ko živcira.

Eee, da je moć radit samo ono ča voliš!? A skula?

U skulu moramo poć tili ne tili, a ko nas dicu pita!? A tamo učiteji pitaju : „Jesi li napisala domaći, jesi li vo, jesi li no...“ Diko rečen jesan, a dikod nisan, a ča ću reć kad je to tako! Oni mislu da bi ja morala uvik imat voje za pisat i učit.

Kad arivan iz skule doma mater se uzviče: „Ajde namisti posteju, ajde usiši sobu, operi posli obida sude, ajde pisat domaći, ajde učit...“ Kada ja jeman deset ruk i voje za to. I sve je još dobro dok otac ne dojde s posla, a kad dojde sede za stol, obidva, zavali se posli  na kauč i rješava križaljke, a meni zapovidi : „Ajde, zovi brata i sestru pa gremo pilat drva i kupit maslovinu u poje!“ Ma ne stane samo na tomen, vengo nastavi : „Ajde vo, ajde no...“

Mrsko mi je sve to i ne da mi se, ali ima ništo čemu se ipak radujen kad gremo u poje. To je naš stari, crveni motorin iliti ga „koza“ kako ga moji volu zvat, a otac mi ga dikod da vozit do poja, ali i tada prigovara : “Nemoj brzo vozit, paziii di voziš...“

Dok smo u poju sve je dobro niki po ure ili uru, a onda meni prvoj dodije pa se popenjen na najdebju granu o masline, smistin se lipo, gledan okolo i grickan hroštule moje vridne babe. I kad promislin kako mi je lipo čujen kako mater i otac viču : „ Ajmo linčine ( ne mislu samo na mene, vengo i na moga brata i sestru ) samo da van je linčarit i jist.“ Ne mogu odolit pa in vratin : kakvi jema ja san još i dobra! Kako znan bit jidna na nji prošli misec san tako popadala na tle jer se slomila grana na koju san sidila. Žgincala san ruku na koju san se dočekala. Moji su se uspaničili i opet izvikali na mene. Samo mi je ovo tribalo!

Tribalo je sutradan poć rano ujutro katamaranon do Splita, istrpit pridike i misec dan ne vozit „kozu“, ali ti dan nisan bila u skuli, bar ništo dobro!

Kad san se vratila iz Splita utekla san u babe Krasne, a baš su joj dali lipo ime jer je krasna, dobra i draga. U nje mi je najdraže poć jerbo uvik jema čakod lipega za izist, bomboni, oli čikolate, keksi, ma svega lipega! Moja me baba uvik lipo počasti. Kod nje nikad ni dosadno, moreš pričat o svemu i radit ča te voja. Baš san kod nje sritna!




Tražilica


Napredno pretraživanje
Traži
RASPORED SATI
ZBORNICA

Virtualna učionice

 

e-Dnevnik

 

Oglasna ploča
SIGURNOST U PROMETU
Prevencija
Safetynet

LINKOVI ZA IGRU I UČENJE
Kalendar
« Ožujak 2024 »
Po Ut Sr Če Pe Su Ne
26 27 28 29 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
1 2 3 4 5 6 7
Prikazani događaji

ZANIMLJIVOSTI
DOKUMENTI
Korisni linkovi
Brojač posjeta
Ispis statistike od 6. 4. 2011.

Ukupno: 5384940
Ovaj mjesec: 5853
Ovaj tjedan: 660
Danas: 34
CMS za škole logo
Osnovna škola "Grohote" Grohote / Podkuća 28, HR-21430 Grohote - Šolta / www.os-grohote-solta.skole.hr / ured@os-grohote-solta.skole.hr
preskoči na navigaciju