Kurijožitada - priČAn ti priču/dječji pričigin 2011.
Autor: Dragana Đurić, 31. 3. 2011.
Klara E., 6. razred, OŠ Grohote
Mentor: Mirjana Stanić
Ustala san zarana, prontala za skulu ka i obično. Kad san arivala na autobusnu stanicu svi su ništo šapjali. Kako san kurjožasta tila san znat o čemen je rič, ma bili su šotokuco.
To me jidilo u autobusu i na nikin uran u skuli. Toliko me je skonšumalo da ni meštrovicu nisan baš obadavala pa je oti dan finija sa dvi slabije ocjene. Jedva san čekala da zazvoni šesta ura.
Autobuson nase doma – ka i obično, a u busu ni muhe za čut, skroz neobično. Za ne virovat!
Niki su iza moji leđ ništo motavali rukan. Znan to jerbo san ih vidila na staklo o ponistre . Brzo san se okrenila, a oni ka nije njiov posal. Ča in je danas?
Jedva san čekala doć doma. Već sa praga sve je letilo na tle, a ja brzinon svitlosti pobigla u kamaru, itila se na posteju i zaplakala.
Ma ča in je, nikor me ne voli, oli su se kontreštali.
Popodne je tribalo poć na trening u judo klub. S vrat san sinjala da je tu i moja najboja prijatejica Paula. Dotrčala je do mene. Tako mi se parilo. Ma umisto do mene produžila je do Tine. S njon se šapjala i cirila. Umirala san od kurijožitade. Ma, ča se vo dogaja!? Oči su mise orosile, a oni se uvatili hihlišćat.
Izletila san vanka. Bila san bisna i žalosna. Odila san sve brže i brže. Nisan tila nikogar ni vidit ni čut. Gren nanoge od Stomorske do Gornjega Sela, sama! Ma baš me fotalo!
Oti dan je i mater zakazala jerbo radi nikoga važnega posla ni mogla doć po mene. Baš mi ne gre danas, mislila san, kad čujen auto i nikor me dozivje. Bi je to moj prijatej Jure. Promislila san da bi mi on moga reć ča se dogaja, ča su svi malo ka čudni. Ulizla san u auto i odma ga išempjala pitanjima. Ma i on se ništo izmotaje i nikako da reće ono ča oću znat.
Vozimo se nikin pojskin puten. Na putu bovani. Auto se trese i hiza kako da san na tovara sela. Arivajemo prid niku malu kuću. Otvaramo škripava vrata. Vata me nika nelagoda i straj, a kad iznutra izleti maška. Zašijala san nase i zavikala. Ne sićan se ča, jerbo ono ča san čula bilo je jače : Sretan ti rođendannnn!!!
A tote smo! Ostala san inkantana. Zaboravila san na rođendan, a oni su se sitili i sve lipo sparićali. Volidu me, a ja, šempija, mislila da in višje nisan važna.
Smijali smo se i od ote berekinade skrojili štoriju ča se pameti za cili život.
Baš nan je bilo lipo, ma sve batude ću vam pripovidit drugi put!
Raspored sati 5.-8.r. u 2023./24.-od 18.9.2023.
Raspored sati 1.-4. r. u 2023./24.-od 18.9.2023.
Raspored PRIJEVOZA učenike u šk.g.2023./24.
Raspored dežurstva u vrijeme velikog odmora 2023./24.
Dnevno dežurstvo učitelja i administrativno-tehničkog osoblja 2023./24.
Konzultacije i informacije za roditelje 2023./24._18.9.2023.
Sa Zebrom sigurno školu_slikovnica
Letak_Page1. za roditelje_Ponašanje u prometu
Letak_Page2. za vozače_Ponašanje u prometu
Letak_Page3. za djecu_Ponašanje u prometu
« Travanj 2024 » | ||||||
Po | Ut | Sr | Če | Pe | Su | Ne |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
Obavijesti |
Obrazovni i e-časopisi |
Dnevni tisak |
Ukupno: 5388462
Ovaj mjesec: 3182
Ovaj tjedan: 914
Danas: 11