Osnovna škola "Grohote" Grohote

"U ona doba, evo ka san ja bila, evo vlika, za ovo se znalo. Govorilo se da će se dica rađat sa škulun. Vi, danas, upravljate roditeljin. Prva rič šta ste je proparlali je neću. A, ni ne pozdravlja se više. U ona doba, ka san bila takova ka i ti, ako nisi reka, Valjen Isus i Marija, pitali bi te: A, čigova si ti,mala?. Ka bi ja rekla ko san, u nedilju bi me u crkvi materi reklo pa bi me mater ubla."

"A, baba, jeste jemali auto?"

"Nu, ko je vidija auto u ona doba? Svagdi se išlo na noge, a na Božić se nije odalo po tuđin kućan."

"Ja mislin da si jemala umrit od dosade."

"Nu, meni je bilo prilipo! Dade mi mater bokun kruva i slanine i aj gonat ovce. I ko je smia reć da neće? A, vi se sada zatvorite prid ono čudo i ne izlazite. A, u ona doba se za ovo znalo."

Aj, baba, sad malo odmori s parlavanjen i spleti mi pletenicu.

"Nu, u ona vrimena se muškin plelo pletenicu i varila se pura. Ko ti je drag, tega miluješ po kosi, a ko ti nije drag, njega potežeš. A, ja puru nisan unda tila, a sa je u svakun svituaciju pojin. I dušo moja lipa, unda se išlo dolikare kod neke žene šta lipo pripovida i spravlja vrizure muškin. I ja san tamokare svaki dan išla pa san jemala bi sritna ka niko. A vi u današnjici ne znate za prijatelja. Znala san ja kuda ovi svit vodi. Govorija je jedan svećenik: Ne da Bog, da moj habit dočeka dvadeseti vik. I šta je od dvadesetoga vika dosad?"

"Aj, baba,molin te ne parlaj više!"

"Pridragi moj Bože, kuda vodi ovi svit. Kako je lipše bilo u ondašnjici!"

Tonia Žilić, 6. razred

Mentor:  Žarka Karoglan

OŠ Jesenice, Dugi Rat