preskoči na sadržaj

Osnovna škola "Grohote" Grohote

Dječji Pričigin 2014 - priče

Kako su se zavolili nona i Fifi

Autor: Dragana Đurić, 29. 3. 2014.

Jednega dana san dobila hrčka. Sićan se, bija je to niki ludi dan prin dva – tri miseca, puno je puvalo. Ženka hrčka od moje prijatejice je dobila mlade pa mi je prijatejica poklonila jednega. Malešnoga, smišnega, sivega. Odlučila san da će se zvat Fifi. Dovela san ga doma.

 

 

Kad me nona ugledala kako š njin stojin na vrata, pitala me da koja mi je to siva balota u rukan. Sva sritna, pokazala san jon Fifija. "Asti ga, Mande, pa to je pantagana!"  zavikala je nona i sva se stresla.

Pokušala san jon objasnit da to ni ono ča jon se čini, da nosi krive očale pa jon se moj mali hrčak pari veći vengo ča je. Ma ni mi povirovala. Beštimala je, puno je beštimala, nikako se ni mogla umirit! Tribalo jon je, bome, dosta vrimena da svati kako je rič o pravoj beštiji, a ne o mojoj berekinadi.

Malo poslin, dok je nona točala baškot u potiću mlika i grizla na desnu stranu jerbo jon na livu stranu falu zubi, sitila se da bi i bidna beštija mogla bit gladna. Dala mu je list verzeta, a u ćibu mu stavila bumbaka da mu bude meko i  teplije, da se ne bi smrzava dok spava.

Prošlo je vrime.

Malo pomalo, dan za danon, nona je infišala u hrčka. Kola finta čini jon gricule, ma ja znan da ni tako. Ja znan da ga, isto ka i ja, puno voli.

 

Nina Maglov, 2. razred

Mentor: Nikica Sikirica

OŠ Lučac, Split




Tražilica


Napredno pretraživanje
Traži
RASPORED SATI
ZBORNICA

Virtualna učionice

 

e-Dnevnik

 

Oglasna ploča
SIGURNOST U PROMETU
Prevencija
Safetynet

LINKOVI ZA IGRU I UČENJE
Kalendar
« Ožujak 2024 »
Po Ut Sr Če Pe Su Ne
26 27 28 29 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
1 2 3 4 5 6 7
Prikazani događaji

ZANIMLJIVOSTI
DOKUMENTI
Korisni linkovi
Brojač posjeta
Ispis statistike od 6. 4. 2011.

Ukupno: 5385008
Ovaj mjesec: 5923
Ovaj tjedan: 730
Danas: 102
CMS za škole logo
Osnovna škola "Grohote" Grohote / Podkuća 28, HR-21430 Grohote - Šolta / www.os-grohote-solta.skole.hr / ured@os-grohote-solta.skole.hr
preskoči na navigaciju