preskoči na sadržaj

Osnovna škola "Grohote" Grohote

Dječji Pričigin 2014 - priče

Nevera

Autor: Dragana Đurić, 29. 3. 2014.

"Nevera, nevera, Nina, ala, ala, di si se zavukla u podrum si an, oli si ušla u bigunac, necu te visje iskat" vikala je moja baba Marija.

Ma boli mene briga za neveru, baba čini od svega mirakule. Ja san naumila ić u grad. Drito san se uputila priko mosta, a bura je već učinila svoje.

 

 

Nosila je more priko ograde  i cilu me oblila. Parila san ka miš iz uja, sve se na meni zalipilo i cidilo. Ka san došla na rivu nigdi nikoga, sve je više puvalo, bura je dricavala palme i nosila smeće na sve bande. Počela je padat i kiša. Sakrila san se u staru peškariju i deboto umrla o leda. Prošla je cila ura, a ja se nisan mogla uputit doma jer je nasta pravi dežgracijun. More se pinilo, galebi su kričali, brodi su letili ka da su o karte, odrišija se jedan ponton, a s njin i dvi batele. Plima je deboto došla do vrata o grada. "Gospe moja šta ću sad" - baš san se pripala, uvatila me grinta, baba će poludit. Moran priznat bila je u pravu, a isto joj neću reć. Ka je prošla još jedna ura vrimena, nevera je molala i ja san brzinon munje pobigla doma.

Nisan došla njanka do vrata o kuće, dobila san tri puta vrnjačon po kostima, a onda je baba stala nabrajat svoje poznate klevete: "Vrag te odnija, di si bila, bodac te proboja, grlavica te zadavila, kankar te umeja, deboto su me odveli na portantin." Bla, bla, bla! Ja san začepila uši i utekla u posteju. Mislin u sebi: "Bolje ti je mučat, sutra će sve zaboravit." Tako je i bilo. Probudila me u osan uri i na posteju mi donila čikaru bile kafe i dva rafijola. Ovi put san prošla lišo jerbo je ova babina nevera trajala samo deset minuti.

 

Nina Juranović, 7. razred

Mentor: Nađa Mikelić

OŠ Petar Berislavić, Trogir




Tražilica


Napredno pretraživanje
Traži
RASPORED SATI
ZBORNICA

Virtualna učionice

 

e-Dnevnik

 

Oglasna ploča
SIGURNOST U PROMETU
Prevencija
Safetynet

LINKOVI ZA IGRU I UČENJE
Kalendar
« Ožujak 2024 »
Po Ut Sr Če Pe Su Ne
26 27 28 29 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
1 2 3 4 5 6 7
Prikazani događaji

ZANIMLJIVOSTI
DOKUMENTI
Korisni linkovi
Brojač posjeta
Ispis statistike od 6. 4. 2011.

Ukupno: 5384949
Ovaj mjesec: 5865
Ovaj tjedan: 671
Danas: 45
CMS za škole logo
Osnovna škola "Grohote" Grohote / Podkuća 28, HR-21430 Grohote - Šolta / www.os-grohote-solta.skole.hr / ured@os-grohote-solta.skole.hr
preskoči na navigaciju