Osnovna škola "Grohote" Grohote

VESELICA

Leto kak leto. Skupilo se društvo. Veselo, bez ikakve brig. Puno nas je bilo. Lepa vrpa. Neje nas bilo briga ni za kaj. Ludeli smo srećni, kak bi moja baka rekla: Mlado, ludo.

Morti smo preterali al nam se to ne činilo tak kak da smo prešli crtu. Bili smo preveć veseli, kak da smo pušćeni z lanca. Sami. Bez starcov i bez njiovoga zanovetanja. Majina je hiža bila prazna, kak stvorjena za veselicu. Starci so bili v Zadru, na nekakvom poslovnom putu, cela dva dneva. To je bila veselica za zapamtiti. Plesali smo, popevali, a nekoji so se bormeš i kušuvali. Nešće je dosel pivu i cigaretljine, nek se najde, za bolše raspoloženje. Bili smo face, osmaši… Nišće nam ne raven. Onda, posle pol noći, polako smo se z hiže si seljili v šekret. Bluvali smo i bila nam je muka, al nesmo vgasili mužiku. Još smo i dalje pušili i pili. Nekoji so ležali kak snoplje, prekopitani jeni prek druge. Onda je nešće pozvonil na vrate. Otprli smo i ostali bez reči. Pred nami so stali plavci. Gotovi smo, grdno smo nadrapali mislila sem. Ž njimi so bili i susedi. Oni so ih pozvali jer kak vele od nas neso imali mira. Si smo pognoli glave i čkomeli. Otpeljali so nas v milicijskom kombiju i još k tomu i se prazne flaše od pive. Smrdeli smo na dim kak šunke z tavana. Čekali smo ranje i starce da dojdo po nas. Nesmo više bili glavne face, a bormeš smo se mam i otreznili.

Mene je to bila škola gorša od one prave, v koje me ocenjujo z ocenami od jeden do pet. V nje sem navek prvo nekaj nafčila, a onda dobila ocenu. V noći veselice prvo je bil test, a onda nova lekcija. A ocena? Čista jedinica, velika kak kolec v goricaj! Ne ponovilo se nigdar više.

Lara Mandić, 8. razred

Mentor: Draga Vranješ Vargović

OŠ Vladimir Nazor, Virovitica